'महाराष्ट्र टाइम्स' आणि साठ्ये कॉलेज यांच्या वतीने 'मराठी भाषा आणि विविध क्षेत्रांतील करिअर' या विषयावर मार्गद र्शनपर चर्चासत्र आयोजित केलं होतं. विविध कॉलेजच्या विद्यार्थ्यांनी या चर्चासत्राला प्रचंड गदीर् केली होती. मराठी भाषेत असणाऱ्या करिअरच्या विविध संधींविषयीची अनेक तज्ज्ञांनी विद्यार्थ्यांना मार्गदर्शन केलं. * लोकल ते ग्लोबल शुद्ध मराठीपेक्षा प्रमाण भाषा बोलण्याकडे अधिक लक्ष दिलं पाहिजे. मराठी ही जरी स्थानिक किंवा लोकल भाषा असली तरी तिच्या आधारे जागतिक पातळीवर पोहोचणं अवघड नाही. लोकल भाषेचा न्यूनगंड न बाळगता लोकल ते ग्लोबल या सूत्राचा अवलंब केला पाहिजे. मराठी भाषेविषयी बोलतानाच मराठी हा विषय घेऊन प्रशासकीय सेवा परीक्षांचा अभ्यास करता येतो. एमपीएससी, यूपीएससी परीक्षांमध्ये मराठी विषय घेऊन सेवेत कार्यरत असणारे अनेक अधिकारी आहेत. त्यामुळे विद्यार्थ्यांनी प्रशासकीय सेवा परीक्षांमध्ये भाषा हा विषय घ्यायला काहीच हरकत नाही. त्याचप्रमाणे मराठीमध्ये नवीन शब्दांची निमिर्ती झाली पाहिजे. - प्रा. मीना गोखले * जनसंपर्क संस्थांमध्येही स्थान एक विक्षिप्त क्षेत्र म्हणून दुर्लक्षिलेलं क्षेत्र म्हणजे जनसंपर्क असलं तरी यामध्ये करिअरच्या खूप संधी आहेत. पत्रकारिता क्षेत्राशी निगडीत असं हे क्षेत्र आहे. राजकीय, सामाजिक, आथिर्क, सांस्कृतिकसारख्या अनेक क्षेत्रांमध्ये जनसंपर्क अधिका-यांची गरज असते. मराठी वृत्तपत्रं, वृत्तवाहिन्यांमध्ये इंग्रजी, हिंदी भाषेतील प्रसिद्धीपत्रकं जातात. त्यामुळे जनसंपर्क संस्थांमध्ये मराठी अनुवादकांना वाव आहे. - किशोर शिंदे * उद्योग आणि मराठी भाषा जागतिकीकरणामुळे अनेक बहुराष्ट्रीय कंपन्या देशात नव्याने येत आहेत. भारतातील प्रत्येक गाव हे त्यांच्यासाठी बाजारपेठच आहे. अशावेळी स्वत:चं उत्पादन अधिकाधिक स्थानिक लोकांपर्यंत पोहोचावं यासाठी स्थानिक भाषा अवगत असणं गरजेचं असतं. महाराष्ट्रातील छोट्या गावांपर्यंत पोहोचण्यासाठी त्यांना मराठी भाषा येणं आवश्यक आहे. त्यामुळे त्यांना अनुवादकांची गरज असते. त्याचप्रमाणे सगळ्याच कंपन्यांमध्ये संशोधन आणि विकास (रिसर्च अँड डेव्हलपमेंट) विभाग असतो. या विभागामध्येही मराठी भाषेतून संशोधन करता येऊ शकतं. त्यामुळे कंपन्यांच्या अनेक विभागांमध्येही नोकरीच्या संधी आहेत. - प्रा. राममोहन खानापूरकर * संदर्भ लक्षात घ्या वृत्तवाहिन्या किंवा इलेक्ट्रॉनिक मिडियामध्ये काम करताना कॅमेरा तंत्र, प्रसंगावधान, निर्णयक्षमता, कोणत्याही वेळी काम करण्याची तयारी हे गुण अंगी असणं आवश्यक आहे. एखाद्या माहितीवर काम करत असताना विविध संदर्भ लक्षात असणं गरजेचं आहे. - सुनील महाडेश्वर * थोडा हटके विचार काव्यलेखन, ललितलेखन यामध्ये अभिरुची असलेल्या विद्यार्थ्यांना चित्रपट, नाटक क्षेत्रात स्क्रिप्टलेखन, संवादलेखन, काव्यलेखन यासाठी पुष्कळ वाव आहे. मराठी चित्रपट, मालिका यांची वाढती संख्या लक्षात घेता या क्षेत्रामध्ये करिअरच्या संधी आहेत. थोडा हटके विचार, क्रिएटिविटी असेल तर या क्षेत्रामध्ये तुम्ही बाजी मारु शकता. - अश्विनी शंेडे * इतर भाषांचं ज्ञान मराठी विषय कोणत्याही अर्थाने घेतला तरी त्यामध्ये झोकून देऊन वाचन करणं, अभ्यास करणं महत्त्वाचं आहे. स्वत:ची भाषा समृद्ध असेल तर इतर भाषांविषयीचा आदरसुद्धा वाढतो. मातृभाषेबरोबरच इतर भाषांचं ज्ञानसुद्धा अवगत केलं पाहिजे. - प्रा. उमिर्ला गानू * अभ्यासक्रम धावपट्टी नेट-सेट आणि संशोधन याबद्दल माहिती देताना अनेक रंजक उदाहरणं दिली. अभ्यासक्रम हे धावपट्टीसारखे असतात. या धावपट्टीची ओळख करुन देण्याचं काम प्राध्यापकांचं असतं तर त्यावरून उडण्याचं काम विद्यार्थ्यांचं असतं. स्वत: उड्डाण केल्यानंतर नवीन 'विमानां'ना धावपट्टीची ओळख करून दिली पाहिजे. त्यामुळेच नेट-सेट परीक्षा महत्त्वाच्या आहेत. अभ्यासक्रमात नेमलेल्या गोष्टींचा सूक्ष्म अभ्यास केल्याने निरीक्षणशक्ती वाढते. अधिकाधिक विद्यार्थ्यांनी नेट-सेट आणि संशोधन करून प्राध्यापकांच्या भूमिकेत यावं. - डॉ. पुष्पलता राजापुरे-तापस